ពិធីដាំដើមឈើព្រៃលិចទឹកចំនួន ២០០០ដើម (ប្រភេទដើមរាំង ) ចំណុចបឹងរូង ស្តីគងតូច ភូមិក្បាលកន្លង់ និងភូមិពាមឆ្កោក ក្នុងស្រុកជលគិរី កំពង់ឆ្នាំង: នៅព្រឹកថ្ងៃទី១២

 ខែកក្កដា ឆ្នាំ ២០២៤ លោក សាន់ យូ អភិបាលរងខេត្ត និងជាតំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង បានដឹកក្រុមការងារ ដាំកូនឈើព្រៃលិចទឹក ២០០០ ដើម ក្នងដីតំបន់៣ ចំណុចបឹងរូង  ស្តីគងតូច ភូមិក្បាលកន្លង់ ភូមិពាមឆ្កោក ក្នុងឃុំពាមឆ្កោក ស្រុកជលគិរី ដោយមានការចូល រួមពីសំណាក់ លោក ដូវ គឹស៉ីនអភិបាលស្រុកជល់គិរី និង កម្លាំងយុវជន(សសយក) ខេត្ត ស្រុក ឃុំ មន្ត្រីមន្ទីរកសិកម្ម ជំនាញជលផល អាជ្ញាធរស្រុក កងកម្លាំង ប្រជាការពារ សិស្សានុសិស្ស ប្រជាពលរដ្ឋដែលបានចូលរូមសរុបចំនួន ៣០០នាក់ ។

នាឱកាសនេះដែរលោក សាន់ យូ អភិបាលរងខេត្ត បានថ្លែងថា  ព្រៃលិចទឹកមានសារៈសំខាន់ខ្លាំងណាស់ គឺជាជម្រកត្រីពងកូន ជាប្រភពចំណី និងជម្រករបស់ត្រី វាជាជម្រកសត្វ ស្លាប សត្វល្មូន និងសត្វច្រើនប្រភេទទៀត ព្រៃលិចទឹកក៏ជាប្រភពចំណូលសម្រាប់បងប្អូនប្រជាពលរដ្ឋក្នុងតំបន់ ព្រោះថាបើមានព្រៃលិចទឹក ប្រជាកសិករ ក៍អាចនេសាទត្រីបានច្រើនដែរ តែបើបាត់បង់ព្រៃលិចទឹកក៏ដូចជាបាត់បង់មច្ឆាជាតិយ៉ាងនោះដែរ។ 

លោកក៏បានបន្តទៀតថាព្រៃលិចទឹក ក៏ជាតំបន់ទេសចរណ៍ របស់សហគមន៍មូលដ្ឋាន  ប្រសិនបើយើងរៀបចំឲ្យបានត្រឹម វាក៍ជារបាំងរាំងខ្ទប់ខ្យល់  និងធ្វើឲ្យទឹកថ្លា មិនរីងរាក់ទៀតផង ក្រៅពីនោះវានូវបាន ផ្តល់អ៊ុកស៊ីសែន ដល់មនុស្សរស់នៅ និងជាថ្នាំបុរាណសម្រាប់ព្យាបាលផងដែរ៕